¡BO NADAL E FELIZ 2.009!
Un ano máis queremos aproveitar este espazo para desexarvos a tod@s un FELIZ NADAL E PRÓSPERO ANINOVO.
PANXOLIÑA DE NADAL
I
Hai un vento cheo de frío
apousado nos camiños.
E no ar un asubío
todo cheo de aloumiños.
Pero un vento milagreiro
nascerá polo Nadal.
Brilará coma un luceiro
pra alomear o portal.
II
E nas ponlas dun carballo
nasceu un vento ventiño;
ten doces versos de orballo
e azas de paxariño.
Ten azas de paxariño
e craridades de día,
que llas deu Jesús Neniño
e a Santa Virxe María.
Manuel María, Lugo, Nadal 1.951.
